في الطائرة

موضوع: في الطائرة الأربعاء سبتمبر 10, 2008 8:34 am

عشان أوضح الفكره وأختصر الموضوع بعطي مثال وأبغى وجهة نظركم فيه (اولاد وبنات)

انت مسافر مع أختك مسافة طويله (مثلا 6 ساعات بالطائرة) ولما قصيت بطاقات صعود الطائرة, الموظف ماقدر يلاقي سيتين (كرسيين, مقعدين...الي يصير) فاضيين جنب بعض.

المهم ركبت الطائرة وانت جلست في سييت وأختك جلست في السييت حقها وكان بعيد عنك. بعدين لاحظت ان الي جنبها شاب غريب (من أي جنسيه) كيف تكون ردة فعلك في هالموقف؟
عادي تخلي أختك جالسه جنب الغريب ولا تطلب من الي جالس جنبها أو من المظيف أن يغير السييت عشان تجلس جنبها؟

بالنسبه للبنات, كيف تكون ردة فعلكم في هالموقف؟ تسألو المظيف عشان يغير السييت ولا ان الموضوع عادي؟

بالنسبة لي انا الموضوع عادي وماأطلب تغيير الا ادا شفت تصرف ماعجبني من الشاب, هادي فيها كلام ثاني

الي خلاني اكتب الموضوع كثرة المواقف الي شفتها من هالنوع والناس الي تسوي زحمه وتأخر الطائرة وتعور الراس عشان مايبغو بناتهم او خواتهم يقعدو جنب احد غريب
__________________